LAOAG CITY – Posible a sumango ti kaso a panagsalungasing ti RA 10591 wenno Comprehensive Firearms and Ammunition Regulation Act da Mayor Ferdinand “Kilo” Aguinaldo iti Pob. 1 ken ni Vice Mayor Pedro Rex Aguionaldo iti Bg. Davila iti ili a Pasuquin kalpasan a nagpositibo ti naisayangkat a search operation kadagiti pagtaengan dagitoy iti nasao nga ili.
Narekubre dagiti otoridad ti tallo a klase ti paltog a pakaibilang ti maysa a kalibre 45 ken kalibre 9 mm iti pagtaengan ni Mayor Aguinaldo.
Nupaya kasta, segun iti mayor adda lisensiya dagiti paltog a naala iti pagtaengan na.
Nairana pay nga adda iti pagtaengan ti Mayor ti pagayam na a ni Ludivico Peralta maysa a balikbayan ken residente iti Bgy. Turod, iti ili ti Narvacan, Ilocos Sur ken ni Anthony Aglucob iti Pob. 1 iti nasao met la nga ili, caretaker ti Mayor.
Kabayatan na nakareklubre met dagiti raiding team iti pagtaengan ni Vice Mayor Pedro Rex Aguinaldo, ti maysa a kalbre 45 a paltog naka-holster ken addaan ti magazine ken pito a bala.
Awan ti maipakita ti Bise-mayor a lisensiya ti naala a paltog iti mismo a lugan na kalpasan a sinalodsod da daytoy kenkuana.
Malaksid kadagiti nasao a paltog, nakarekubre pay ti raiding team dagiti nagduduma a klase ti balbala para iti armalite, kalibre 45, kalibre 9 mm.
Malaksid kadagiti nasao nga opisyal, naiwayataan pay ti operation ni dati a Mayor Peter Felix Aguinaldo, Bgy. Chairman Marcos Agudelo iti Bgy. Ngabangab, ken da Loreto Menor ken Reynante Faylano iti Bgy. Nagsanga.
Adda ti naipakita ni dati a Mayor Aguinaldo a lisensiya ti paltog na idinto a da Agudello, Menor ken Faylona ket awan ti naipakita da a lisesniya dagiti narekubre a balbala kadagiti pagtaengan da.
