LAOAG CITY – Naarestar ti maysa a wanted person iti ili ti Solsona babaen ti nagtipon a puwersa ti Highway Patrol Group ken ti Philippine National Police nga idadaulwan ni Police major Chris Anthony Sorsano, ti chief of police iti nasao nga ili.
Nabigbig ti akusado a ni Rose Ann Gomez, agtawen ti 29, awanan asawa ken residente iti Brgy. 14 ditoy ciudad ti Laoag.
Segun kenni Pol Major Sorsano, naarestar ti akusado babaen ti bileg ti warrant of arrest nga inparuk-at ni Hon. MYRA SHEILA M. NALUPTA, Presiding Judge ti Regional Trial Court, Branch 65, Laoag City gapu iti panaglabsing na ti Republic Act 10883 wenno Carnapping.
Nairekomendar ti 300 a ribo a pisos a pagpiyansa ti akusado para iti temporaryo a pannakawaya-wayana.
Iti agdama, nagtalinaed ti akusado iti Philippine National Police iti ili ti Solsona.
Kabayatanna, kuna ni Pol major Sorsano a ti nasao nga akusado ket inreklamo ti dati a live in partner na.
