LAOAG CITY – Napasubli ti maysa a babai manipod iti Wisconsin ti Guinness World Records title na gapu iti koleksyon na a 754 matching pairs ti salt ken pepper packets.
Naamoan nga immuna a nagun-od ni Linda Schulz, agtawen ti 67, ti titulo na para iti “largest collection of salt and pepper packets” idi 2024, nga addaan ti pakabuklan a 494 pairs of packets, ngem iti sumaruno a tawen ket naburak ni Salacnib “Sonny” Molina, nga adddaan ti koleksyon a 594 pairs.
Nupay kasta, napasubli metlaeng ni Schulz ti titulo na ita a tawen babaen ti koleksyon na a 754 pairs.
Inbatad na a ti panagkolektar kadagiti nasao a banag ket ibilang na kas interesting ken naragsak.
Innayon na a rinugyan na ti nagkolektar ti pares ti packets manipod iti fast food chain Arby’s ken ti paborito na ket ti pares ti Hawaiian shirt-themed packets manipod iti Hawaiian Airlines.
