LAOAG CITY – Nagballigi dagiti otoridad a nangtiliw iti maysa a Wanted Person iti Brgy. Naguirangan iti ciudad ti Batac.
Ti suspek ket agtawen ti 39, awanan ti asawa, ken residente iti nadakamat a barangay.
Natiliw ti suspek babaen ti bileg ti warrant of arrest nga inparuk-at ni Hon. Felix Gabriel Salvador, Presiding Judge iti Regional Trial Court (RTC) Branch 17 iti ciudad ti Batac gapu iti kaso na a dua a counts ti Qualified theft.
Nairekomendar ti 120 a ribo a pisos a piyansa ti akusado para iti temporaryo a pannakawaya-waya na.
Iti agdama, ti akusado ket nagtalinaed iti kustodyar ti Philippine National Police iti ciudad ti Batac.
