LAOAG CITY – Nasugsugatan ti maysa a babai kalpasan a nadesgrasya iti paset ti Brgy. Lagui-Sail ditoy Siudad ti Laoag.
Binigbig ni Police Corporal Alexson Rosal, Duty Desk Officer ti PNP-Laoag nabigbig ti driver ti electric bicycle nga agmaris ti nalabbaga ken puraw a ni Josephine Mendoza, agtawen ti 57 ken residente ti Brgy. Salet-Bulangon ditoy Siudad ti Laoag.
Kuna ni Rosal a basar iti panagimbestigarda ket saan a nakontrol ti biktima ti manibela gapu iti napalaos a kinabartek na.
Gapu iti daytoy ket nagsagaba ti sugat iti nagduduma a paset ti bagi ti maseknan kangrunaan na iti rupa ken ima ken naitaray iti Governor Roque Ablan Senior Memorial Hospital para iti naan-anay a pannakatamingna.
Kabayatanna, inlawlawag ni Rosal a posible a naggapu ti biktima iti lugar a pagpatpatayaanna kas maysa daytoy nga STL Collector.
Innayonna nga iti agdama ket adda iti kustodyar ti PNP Laoag Traffic Division ti e-bike para iti safety purposes.
