LAOAG CITY – Kinumpirmaran ni PLt. Tolentino Erom, hepe ti PNP-Piddig a maysa a balasitang ti nagpakamatay babaen ti panagbekkel.
Inpakaamo ni Erom a ti biktima ket agtawen ti 15 ken residente iti nasao nga ili.
Inbatad na a basar iti immunan a naiyuswat nga imbestigasyon, naduktalan lattan ti maysa a kapamilya ti biktima a nakabitin daytoy iti mismo a kwarto na.
Mainaig iti daytoy, kuna na a sakbay ti insidente ket naragsak pay laeng ti balasitang ken nag-video pay nga agsalsala.
Iti agdama ket agtultuloy ti naun-uneg nga imbestigasyon ti PNP-Piddig tapno maamoan ti pudno a rason ti panagpakamatay ti balasitang.
