LAOAG CITY – Nauram ti maysa a balay iti paset ti Barangay 2 iti ili ti Bacarra.
Basar iti akinkukua iti balay a ni Mrs. Vina Reginaldo, nangrugi ti apoy iti maikadwa a kadsaaran ti balay da.
Inpakaammo na nga adda ti agwelwelding iti balayda gapu ta manarimaan ti panagparenovate da.
Kuna na a possible a ti maiyus-uswat a panagwelding iti balayda ti nangrugyan ti apoy.
Innayon na nga alisto a nagramram ti apoy gapu ta ti maysa a kwarto iti balayda ket naruay dagiti nakapenpen a lupotna, malaksid pay ti kinapigsa ti angin.
