LAOAG CITY – Balligi ti pannakatiliw dagiti dua nga indibidual gapo iti iligal a panagsusugal iti Brgy. 36 Natba, Bacarra, Ilocos Norte.
Binigbig ni Police Major Arnel Tabaog, ti chief of police ti PNP-Bacarra dagiti natiliw nga isuda Edison Tumacder y Lorber, 35, maysa a Brgy. Tanod ken ni Ronald Eda y Felipe, 37, maysa a construction worker, agpada a residente iti nasao a barangay.
Segun kenni Tabaog, napan nakimitanay dagiti suspek ngem nagsusugal daytoy partikular iti panagay-ayam dagitoy ti lucky-9.
Kunana met nga iti panagturong dagiti pulis iti minatayan ket saan da a nagammatan amin dagiti nagsusugal gapo iti nailet a dalan.
Nakumpiskar met dagiti otoridad ti 7,791 a pisos a pusta, maysa a lamisaan, maysa a table cloth ken uppat a monoblock chairs.
Kunana a basar kenni Tumacder, isuna ti naikeddeng nga agbantay iti minatayan ngem posible a naallukoy ti rikna ti tanod a nagay-ayam.
Kabayatanna, rumrumuar a maysa kadagiti 11 a nakalibas ket barangay kagawad.
