LAOAG CITY – Nagreport ti agnagan ti Francisco Esteban y Batara, agtawen ti 70 gapo ta mapukpukaw ti anak na iti Sitio Natdek, Barangay Tonoton iti ili ti Piddig.
Nabigbig ti lalaki a mapukpukaw a ni Felimon Esteban y Benito, agtawen ti 25, awanan ti asawa ken residente iti nasao a barangay.
Segun ti impormasyon, ti ub-ubing nga Esteban ket maipagarop nga adda ti deperensya ti panagpanpanunut na.
Ti nasao a lalaki ket agtayag ti 5 a kadapan ken 9 a pulgada, brown complexion ken ti naudi a bado na ket agmaris ti orange a t-shirt ken gray a short ken nakatsinelas.
Naudi a nakita ti baro iti paset ti Rizal Street ditoy ciudad ti Laoag iti alas-kwatro ti malem idi Abril 11 ita a tawen.
