LAOAG CITY – Naarestar ti maysa a baro a sumangsango iti kaso a murder, residente iti Barangay San Julian iti ili ti Solsona
Daytoy ti inbatad ni Pcpt. Randy Damo hepe ti Philippine National Police iti ili ti Solsona.
Segun ken Damo, naarestar ti suspek babaen ti nagtipon a puersa ti Ilocos Norte Police Provincial Office ken Provincial Drug Enforcement Unit.
Ti warrant of arrest ket naiyatnag idi Pebrero 5, 2024 babaen iti presideng judge na a ni Hon. Johnson Padre, iti Regional Trial Court Branch 13, iti ciudad ti Laoag.
Naammuan nga iti met laeng babaen ti presiding judge ti akusado ket awan ti nairekomendar a pagpyansa na.
Segun ken ni Damo, ti akusado ket naipadalan iti medical examination para iti naan-anay a pannaka-turn over na iti korte a naggapuan ti warrant of arrest.
Kabayatanna, inpakaammo ni Damo nga iti agdama ket temporaryo nga adda iti kustodiar ti Philippine National Police iti ili ti Solsona ti akusado.
