LAOAG CITY – Natay ti maysa a lalaki kalpasan ti napasamak a desgrasya idiay Barangay Davila iti ili ti Pasuquin.
Nabigbig ti biktima a ni Remigio Callanga y Hildo, agtawen ti 23, addaan ti live in partner, maysa a construction worker ken residente iti Barangay Dampig iti ili ti Pagudpud.
Segun kenni Police Senior Master Sergeant Joey Aninag, chief investigator ti PNP-Pasuquin, bayat nga agpabagatan a direksyon ni Callanga ket napukawan ti kontrol iti manibela ken napan iti laud a paset ti kalsada a nangitunda ti pannakaidungpar na iti poste ti kuryente.
Inbatad na nga iti pannakaidungpar na iti poste ket timmama ti ulo na isut gapo na a nabuong pay ti helmet na agraman ti ulo na.
Patta-pattaen ni Aninag a napaspas ni Callanga gapo ta umabot ti 80-100 a kilometro iti kada oras.
