LAOAG CITY – Balligi ti naiyuswat a drug buy bust operation kontra iti maysa a baro idiay ciudad ti Batac.
Nabigbig daytoy a ni Eduardo Ramos y Geronimo, agtawen ti 22, tubo idiay Barangay Camangaan ditoy ciudad ti Laoag ken agdama nga agnanaed iti Barangay Billoca idiay ciudad ti Batac.
Naala iti ikot na ti tallo a sachet a naglaon ti maipagarop a marijuana, sabali pay ti nagatang ti nagpammarang a pusuer buyer a dua a sachet ti maipagarop a marijuana ken 300 a pisos kas marked money.
Mainaig iti daytoy, naglikudan ni Ramos a kukua na dagiti nakumpiskar a droga ken saan na nga ammo no kasano nga adda iti bulsa na dagiti tallo a sachet.
Iti agdama ket addan iti kustudiyar ti PNP-Batac ti nasao a subject ti operasyon.
Kabayatanna, kinumpirmaran ni Police Chief Inspector Allan Emerson Dauz, chief of police ti PNP-Batac a positibo nga aglaklako ti marijuana ni Ramos.
Daytoy ket basar ti agtultuloy a panangmonitor dagiti otoridad iti nasao a lalaki.
Segun kenni Dauz, itay kallabes ket paspaksukwen dagiti otoridad ni Ramos ngem saan a simmuko rason nga intultuloy da ti nangsipsiput iti daytoy.
Innayon na a basar ti panagmonitor da ket positibo nga aglaklako ti maarijuana ni Ramos.
