LAOAG CITY – Balligi a naarestar ti Philippine National Police iti ili ti Bangui ti maysa a construction worker a maibilang a most wanted person gapu iti Sexual Assault iti Brgy. Nagbalagan iti nadakamat nga ili.
Nabigbig ti akusado nga agtawen ti 30, awanan asawa, construction worker, tubo ti Brgy. Malasin, iti ili ti Bangui, ken agdama nga agnanaed iti Brgy. Calayab ditoy siudad ti Laoag.
Mainaig iti daytoy, naarestar ti akusado babaen iti naiparuk-at a Warrant of Arrest idi Hunio 20, 2024 babaen ken ni Hon. Charles Javier M Calapini, Presiding Judge, RTC Branch 19, First Judicial Region, Bangui, Ilocos Norte no sadinno sumangsango iti kaso a Two (2) Counts of Statutory Rape penalized Under Art nga awan ti narekomendar a pagpiansana.
Mainaig iti daytoy, sumangsango ti akusado iti Sexual Assault seknan iti panagsalungasingna iti Republic Act 7610 no sadinno narekomendaran daytoy nga agpiansa iti One Hundred Eighty Thousand (Php 180, 000.00) Pesos.
Kabayatanna, aminado ti akusado nga adda ti reklamo kontra kenkuana idi napalabas a tawen no sadinno ti nangipila ket ti reklamo ket ti dati a nobiana.
Iti agdama, nagtalinaed ti suspek iti kustodiar ti Philippine National Police iti ili ti Bangui ken manamnama a maidatag iti korte a naggappoan ti warrant of arrest.
