LAOAG CITY – Nadiskubre ti maysa a pamilya iti Barangay 7, San Miguel iti ili ti San Nicolas ti maysa a bomba.
Iti impormasyon manipud iti Philippine National Police iti ili ti San Nicolas, bayat nga agdaldalus wenno ur-urnusen dagiti maseknan dagiti metal ken dadduma pay nga scrap nga adda iti arubayan da ket nakita da ti nasao a pagpabettak.
Dagus da met nga inreport iti Philippine National Police ken nagresponde dagitoy pakairamanan ti Ilocos Norte 2nd District Explosive Canine Unit (DECU).
Kinumpirmaran met ti District Explosive Canine Unit a ti nadiskubre ket maysa a CTG 81mm Mortar no sadinno ket posible a mabalin pay a bumtak.
Iti agdama, ti nasao nga eksplosibo ket adda iti kustudiyar ti Ilocos Norte 2nd District Explosive Canine Unit ken manarimaan met ti mbestigasyon tapno maamoan no naggapoan daytoy ken no nabayagen nga adda tii nasao a lugar.
