LAOAG CITY – Balligi a naarestar dagiti otoridad ti maysa a dati nga Overseas Filipino Worker babaen ti pannakaisayangkat nga Anti-Illegal Drug Buy-Bust Operation iti Brgy. 1 iti ili ti San Nicolas.
Nabigbig ti suspek a ni Rodolfo Abatuan, agtawen ti 32, dati nga Overseas Filipino Worker, ken residente iti Brgy. 3 iti ili ti San Nicolas.
Iti pannakainuman ti Bombo Radyo Laoag iti suspek ket naiget a naglikudanan ti maipagarop a panaglako ken panagusar na ti shabu.
Segun kenkuana ket naggapo isuna iti Metro Manila iti uppat a bulan gapo iti panagsanayna ken ag-apply kas Seaman – Cargo.
Innayonna a napan daytoy iti Brgy. 1 partikular iti likudan ti maysaa dakkel a mall ket maipagarop a mapanna salakniban ti barkadana a na-flatan ti lugan ngem bayat a nagtrong ket maipagarop sinada daytoy dagiti kameng ti Philippine National Police iti ili ti San Nicolas ket idinto a naarestar daytoy.
Naammoan a ti suspek ket dati nga Overseas Filipino Worker iti Saudi ken maibilang a kas a Street Level Indvidual
Segun ken ni PMaj. Reginaldo Dalipias, mamonmonitor ti suspek idi pay laeng bulan ti Marso babaen iti Provincial Drug Enforcemnet Unit ket maipagarop a nagsubli daytoy suspek iti mandi nga aramid.
Innayonna, ti suspek ket bigla daytoy a nagpukaw ket maipagarop nga napan daytoy iti adayo a lugar ken maipagarapo a pouser ken agususar ti shabu.
Nakumpiskar iti suspek ti dua a genuine 1 thousand pesos tallo a 1 thousand boodle money ken maysa a sachet ti maipagarop a shabu.
Kabayatanna, nagtalinaed ti suspek iti kustodiar ti Philippine National Police iti ili ti San Nicolas ken manamnamma a mapilaan ti kaso a panaglabsing ti Republic Act 9165 wenno Comprehensive Dangerous Drugs Act of 2002.
