LAOAG CITY – Balligi a naarestar ti maysa delivery boy iti naiyuswat a drug buy-bust operation iti siudad ti Batac.
Nabigbig ti suspek nga agtawen ti 44, awanan asawa, delivery boy residente iti Brgy. Ricarte iti siudad Batac ken maibilang kas street level individual.
Kinemmeg a dagus dagiti kameng ti Philippine Drug Enforcement Agency ken Philippine National Police iti ili ti Dingras ti suspek kalpasan a naglako ti maipagarop a shabu iti nagpammarang kas poseur-buyer.
Nakumpiskar mannipud iti suspek ti maysa nga heat sealed transparent sachet a maipagarop a naglaon ti shabu nga agdagsen ti 1.7 grams nga agbalor ti P11,560.00.
Malaksid iti daytpy, nakumpiskar pay manipud iti suspek ti P7,000.00 a nausar kas buy-bust money.
Kabayatanna, nagtalinaed ti suspek iti kustodiar ti Philippine National Police iti siudad ti Batac.
