LAOAG CITY – Saan a pabor ni Dr. Alan Taylan iti St. Camillus De Lellis Hospital ditoy ciudad ti Laoag iti pannakapagbalin a legal ti medical marijuana.
Daytoy ket kalpasan nga inlungalong ni Sen. Robin Padilla ti pannakapagbalin a legal ti medical marijuana.
Segun kenni Taylan, no mabalin ket maisardengen ti pannakaipila ti kastoy gapo ta mabalin nga agbalin a problema daytoy.
Inpalgak na nga adda metten dagiti maus-usar nga agas kadagiti nagduduma a sakit ken ti medical marijuana ket arig na mainayun laeng no maipasa.
Kunana a kas maysa a medical practitioner, masapol a makita pay laeng no kasano ti pannaka-regulate dagiti agdama nga agas gapo tao uray regulated dagitoy ket ada latta ti gundaway a maabuso.
Nupay kasta, kuna ni Dr. Taylan a ni no ipasa man daytoy ket masapol ti safety precuations tapno saan a maabuso gapo ta no saan a nasayaat ti pannakausar na ket maysa manen a problema.
