LAOAG CITY – Irekreklamo ti maysa kadagiti agup-upa ti Cortez lodging Dormitory iti Barangay 7-A ditoy ciudad ti Laoag nga umaboten iti makabulan nga awan ti dsuplay ti danom ken kuryente da iti laskid a binulan da met nga agbaybayad ti renta da.
Segun iti saanen a nabigbig nga agup-upa a nagkamang iti Bombo Radyo Laoag, inyuman da daytoyen a banag iti agtagikua a ni Mr. Jason Cortez ken naipanamnama kadakuada a masolbar iti kuma pay napan a lawas.
Nupay kasta, kunana a kalpasan ti makalawas nga isu ti naikari a masolbar ti problema da ket saan met a nagbaliw ti sitwasyon da.
Inadmitir met ni Cortez nga adda ti kinapudno na ti reklamo ti agup-upa gapo ta naputulan ti kuryente ti pasdek gapo ta saan da a nakabayad.
Kunana nga iti uneg ti tallo a bulan a saan da a nakabaybayad ket umaboten iti 48 a ribo a pisos ti bill da iti kuryente.
Inlawlawag met ni Cortez a saan da a nakabayad iti bill da ti kuryente ken danom gapo ta adga iti emergency a napasamak iti pamilya da nu sadinno a nagkasapulan da iti dakkel a kantidad.
Inpasigurado na nga ita a lawas ket maisubli ti suplay ti danom ken kuryente ti Dormitoryo gapo ta manarimaanen ti panangiproseso na iti kadagiti dokumento a kasapulan.
Mainaig iti daytoy, inbatad na nga addan ti gundaway a kinsarita na dagiti tenants a no saan da a kabaelan ti agdama sitwasyon da ket agbriok da pay laeng ti temporaryo a pagkaseraan da ken mabalin da nga agsubli no masolbar ton ti problema iti danom ken kuryente.
