LAOAG CITY – Natiliw ti maysa a driver iti insayangkat dagiti otoridad a drug buy-bust operation iti Barangay 23 ditoy ciudad ti Laoag.
Nabigbig ti subject ti operasyon a ni Jay Mark Anthony Ramos y Liu, agtawen ti 34, naasawaan maysa a driver ken residente iti Barangay 26 ditoy ciudad.
Basar iti impormasyon, ni Ramos ket maipagarop a naglako ti maysa a medium sachet ti maipagarop a shabu iti maysa a police poseur-buyer iti balor a sangaribo a pisos.
Nakumpiskar pay dagiti otoridad iti ikot ni Ramos buy-bust oney nga agbalor ti sangaribo a pisos, pito a sachet ti maipagarop a shabu, maysa a Broken glass tube paraphernalia, maysa a folded white paper, maysa a kutsilyo, tallo a lighter, ID ken ti owner type jeep daytoy.
Mapatta-patta nga agdagsen ti agarop maysa a gramo dagiti nakumpiskar ken agbalor ti 6,800 a pisos.
Kabayatanna, sumango ni Ramos iti kaso a panaglabsing iti Section 5 ken Section 11 iti republic Act 9165 wenno Comprehensive Dangerous Drugs Act of 2002.
