LAOAG CITY – Nagbaliktad ti maysa a dump truck a nagkarga ti darat iti national highway a sakupen ti Barangay 20 iti ili ti Sarrat.
Inlawlawag ni P/Cpt. Kester Arellano ti hepe ti PNP-Sarrat a naliwayan ken saan nga inpagarup ti driver a nakaandar pay laeng ti dump truck idi tinalawan na daytoy.
Basar iti imbestigasyon, apaman a napasamak ti disgrasaya ket saan a nakalugan ti driver gapu ta adda ti tinulongan na a maysa met laeng a driver ti dump truck gapu ta naibura-is ti karga na daytoy a darat.
Ngem apaman a nakababa daytoy iti dump truck nga inmaneho na, ditoy a timmaray ken nagtulidtid ti dump truck iti kataltalonan.
Mainaig iti daytoy, pinasingkedan ni Arellano nga awan met ti naan-ano iti napasamak nga insidente.
