LAOAG CITY – Naibilang iti Guinness World Records ti maysa a heart surgeon idiay Switzerland kalpasan ti panangkolektarna ti 3,200 a heart-shaped items.

Ni Diana Reser ti agdama a makin-iggen ti pammigbig a “largest collection of heart-shaped items.”

Nangrugi ti naidumduma a hobby-na, 25 a tawenen ti napalabas idi adda pay laeng daytoy iti medical school, no sadinno apaman ti panagleppasna iti internship-na ket ditoy a napanunotannan ti agkolektar dagiti banag a kasla puso.

Mainaig iti daytoy, sumurok-kumurang a ti gudua iti koleksionna ket inpadawat laeng ti pamilyana, dagiti pagayamna, kaubraan ken dagiti nagbalin a pasientena ken idinto a dagiti dadduma kadagitoy ket personal a ginatangna manipud iti nagduduma a pagilian a nagturturonganna.