LAOAG CITY – Kinumpirmaran ni Police Lt. Ashley Cacayorin, deputy chief of police ti PNP-San Nicolas nga adda ti pimmusay a maipagarop a biktima ti desgrasya.
Binigbig ni Cacayorin ti biktima a ni Tadeo Diaz, agtawen ti 42, maysa a karpintero ken residente iti Barangay 16 iti nasao nga ili.
Segun kenni Cacayorin, adda ti naawat da a tawag manipud iti maysa a residente no sadinno nga inreport na nga adda ti nakita na a lalaki a nakapakleb iti kalsada.
Dagus da met a nagturong iti nasao a lugar ken nakita da ti lalaki a ni Diaz ken ti motorsiklo na, ken dagus met a naitaray iti Gov. Roque Ablan Senior Memorial Hospital ngem pimmusay ti biktima.
Kunana a nagsagaba ti nagduduma a sugat iti bagi ti biktima kangrunaan ti ulo na.
Inlawlawag na nga iti panagimbestigar da ket nagawid pay laeng iti pagtaengan da ti biktima manipud iti pagtrabahoan na ken nagsubli tapno mapan m akiinom.
Kabayatanna, agtultuloy met ti imbestigasyon dagiti otoridad tapno maamoan no kasano ti napasamak iti biktima.
