LAOAG CITY – Kinumpirmaran ni Dr. Rodrigo Catcatan, mangidadaulo ti City Health Office ditoy siudad ti Laoag nga adda ti maysa a kaso ti dengue a nairekord ditoy siudad.
Nupay kasta, saanen a nangipaay pay ti naan-anay a detalye ni Dr. Catcatan maipanggep iti nasao a banag.
Segun kenkuana, nangrugidan a nangiyuswat kadagiti nagduduma nga addang tapno maliklikan a makapasar ti dengue fever.
Inbatadna a nangisayangkatda ti fogging kadagiti nagduduma a pagadalan ditoy siudad ti Laoag pakairamanan ti pannakaiwaras kadagiti larvicides wenno dagiti pestisidio a maikabil kadagiti naurnong a danum a posible a pagitlogan dagiti lamok a mangitunda ti dengue.
Malaksid iti daytoy, kunana nga adda pay ti naisayangkat a fogging kadagiti nagduduma a barangay ditoy siudad ti Laoag tapno maiyadayo iti risgo dagiti residente manipud iti makapatay a dengue.
Kabayatanna, inparipirip ti City Health Officer pakaseknan iti “Search and Destroy,” “Secure Self Protection,” “Seek Early Consultation,” “Say Yes to Fogging.”
