LAOAG CITY – Kinumpirmaran ni Fire Officer 2 Mark Jelly Pungtilan, imbestigador ti BFP-Laoag ti napasamak nga uram iti maysa a pagtaengan iti Barangay 55-B, Salet-Bulangaon ditoy ciudad.
Inbatad na a ti agtagikua iti nasao a pagatengan ket ni Mr. Ryan Sahagun.
Iti imbestigasyon ti BFP, napasamak ti uram iti agarop alas-singko idi kalman rason a dagus a nagresponde dagitoy.
Segun kenni Pungtilan, idi nakadanon da iti lugar ket saan unayen a dakkel ti apoy gapo ta nagtitinnulong dagiti agkakarruba tapno masebseban ti apoy.
Naamoan a ti nakaro a naapektaran ti nasao nga uram ket ti kwarto, pakairamanan dagiti cabinet, telebisyon ken ti katre.
Rumrumwar a ti namunganayan ti uram ket ti nabaybay-an a kandila.
Agpapan maisursurat ti damag ket awan pay ti pinal a balor dagiti nadadael iti napasamak nga uram.
