LAOAG CITY – Maysan a nalamiis a bangkay idi nakita dagiti otoridad idi rabii iti ili ti Bangui.
Binigbig ni Police Major Julius Basallo, ti chief of police ti PNP-Bangui ti nakita a bangkay a ni Honorio Nieto, agtawen ti 73, naasawaan ken residente iti Barangay Masikil iti nasao nga ili.
Segun kenni Basallo, apaman a nakaawat da ti report ket dagus da a nagpesponde ken ditoy a nakita da ti bangkay a nakadasay a dara-dara.
Inbatad na a ti biktima ket adda ti sugat iti ulo ti ulo na rason a dagus a naitaray iti ospital ngem naideklara a dead on arrival.
Iti inyuswat a naun-uneg nga imbestigasyon dagiti otoridad, awan ti nakita da a foul play iti pannakatay ti biktima ken awan met dagiti napukpukaw a kagamitan na.
Inlawlawag na a rumrumuar a ti biktima ket adda ti nakita na nga uleg iti pagtaengan da nisut gapo na a napan nagpatulong iti kaankan na nga agtawen ti 34 ngem saan a dagus a nakapan iti balay ti uliteg na.
Nupay kasta, iti agarop pasado alas-onse idi rabii ket nakita dan a ti biktima ket nakadasay iti uneg ti pagtaengan na ken adda ti sugat na iti ulo idinto a ti uleg ket adda iti ruwar ken natayen daytoy.
Ummuna iti daytoy, naamoan dagiti otoridad a ti biktima ket adda ti panagsaksakit ti ulo na ngem maipagarop a saan na nga inkankano daytoy wenno saan a napan nagpa-check up.
