LAOAG CITY – agtalinaed iti ospital ti maysa a lalaki kalpasan a nadegrasya iti manila north road, bisinidad iti Brgy. 2 iti ili ti San Nicolas.
Nabigbig ti biktima nga agtawen ti 26 ken residente iti Muslim Compound iti Brgy. 1 ditoy siudad ti Laoag.
Basar iti imbestigasyon ti PNP-San Nicolas, agpapaamianan a direksyon ti biktima usar ti yamaha mio a motorsiklo idi ta kellaat a naawanan ti kontral apaman a nadanon na ti kurbaan a paset ti kalsada.
Gapu iti daytoy, naawanan ti biktima ti kontrol iti manibela ken nagderderetso iti alad.
Nagsagaba ti sugat iti nagduduma a paset ti bagi ti biktima ken naitaray iti Governor Roque Ablan Senior Memorial Hospital ditoy siudad.
Agpapan a maisursurat ti damag ket maiyur-uray ti resulta ti medical examination ti biktima ken saan pay a masinunuo nu nagsublin ti puot na.
