LAOAG CITY – Natay ti maysa a lalaki gapo iti maipagarop a panagsagaba na ti sakit a dengue ditoy ciudad ti Laoag.
Nabigbig daytoy a ni Reginald Austria Ros, empleado ti maysa a panganan ken taga ili ti Banna ngem agkaskasera iti Barangay 15 ditoy ciudad.
Segun iti kaubraan ken kakaseraan ni Ros, agmamayo ken agkakapsot iti uneg ti makalawas ti biktima ket naudi a nakita na idi laeng Lunes.
Inadmitir na nga iti pagkaseraan da ket ado ti lamok ket ti abay ti pagyanan da ket adda ti pagummungan ti danom.
Basar ti impormasyon a nakalap ti Bombo Radyo, itay napan a lawas ket nagturong ni Ros idiay probnsya ti Cagayan kadwa na ti nobyo na.
Rumrumwar a sakbay ti papan da idiay Cagayan ket nasaranta pay laeng ni Ros ken idi simmangpet ditoy ciudad ket ditoy a nangrugi ti panagsakit na.
