LAOAG CITY – Maysa a lalaki ti mapappapati a natay kalpasan a ginandatna a rinaut ti Korte Suprema ti Brazil iti kabesera ti Brasilia.
Natay daytoy kalpasan a bimtak ti mismo iggem na a bomba no sadinno a nasarakan laengen nga awan biag na iti ruar ti pasdek.
Kinuna dagiti nakasaksi iti pasamak, nakita da ti lalaki a nangipuruak iti bomba sakbay ti panagbettak.
Awan met ti sabali a nasugatan iti insidente, ngem nai-lockdown ti lugar ken nagusar da ti bomb disposal robot a mangsukimat iti bangkay ti lalaki.
Kagiddan iti daytoy, kinondenar ti solicitor general ti nasao a pagilian a ni Jorge Messias no sadinno a patien na a nairanta a panangraut ken inkarina ti naan-anay nga imbestigasion kadagiti panagbettak.
