LAOAG CITY – Natay ti maysa a lalaki kalpasan a nagbekkel iti Barangay 22 iti ili ti San Nicolas.
Daytoy ti kinumpirmaran ni Police Lt. Jomar Sernande, ti Deputy Chief of Police iti ili ti San Nicolas.
Segun ken ni Sernande, ti biktima ket agtawen ti 50 a lalaki, naasawaan, awanan ti trabaho ken residente iti nadakamat a barangay.
Inbatad na a basar iti imbestigasyon da ket nakita laengen ti asawa ti biktima a nakabitin daytoy iti uneg ti balay da, ken rumrumuar a personal a problema ti makaigapu iti nangitunda ti panagpakamatay ti biktima.
Naamoan a kailiw unayen ti biktima dagiti dua a kakabsat na nga adda idiay Metro Manila, ken daytoy ti possible a parikotna.
