LAOAG CITY – Natay ti maysa a lalaki kalpasan a nalmes iti baybay a paset Culili Point iti Barangay 21, Masintoc iti ili ti Paoay.
Nabigbig ti biktima a ni Mark Anthony Villacorta, agtawen ti 32, nasawaan ken residente iti Barangay Balatong ditoy ciudad ti Laoag.
Basar iti imbestigasyon ti PNP, napan iti baybay ti biktima ken dagiti dua pay a kakadwa na ngem gapo iti kinadawel ti dalluyon ket nalmes daytoy.
Dagus met a nagresponde ti maysa nga Army Reservist a residente iti Barangay Callaguip iti nasao nga ili pakairamanan dagiti kameng ti BFP ken RHU.
Naamoan nga adda ti nangipakat ti CPR iti biktima tapno masalbar ti biag na ngem sumagmamano laeng a minutos kalpasan a naalaw ket pimmusay daytoy.
