LAOAG CITY – Kinumpirmaran ni Police Major Joseph Baltazar, ti chief of police ti PNP-Vintar nga ita nga aldaw ket agsarita dagiti dua a grupo seknan iti napasamak a desgrasya idiay Barangay 17, Alviar, Vintar, Ilocos Norte.
Immuna iti daytoy, natay bayat a maag-agasan iti ospital idiay ciudad ti Batac ni Jefferson Daquioag, agtawen 32, awanan ti asawa ken residente iti Barangay 18 ditoy ciudad ti Laoag.
Daytoy ket kalpasan a nakadinnungpar na ti mini dumptruck nga inturong met ni Resty Reyes, agtawen ti 34, naasawaan ken residente idiay Barangay 1, San Roque iti nasao nga ili.
Segun kenni Baltazar, napan iti kwerpo ti pulisya iti nasao nga ili ti asawa ni Daquioag ken kuna daytoy a trataren da pay laeng ti bangkay ti biktima sakbay da a makisarita.
Kuna ni Baltazar a naisina ti gurong ti biktima a posible a maysa kadagiti rason a nakatayan ti lalaki.
