LAOAG CITY – Natiliw ti maysa nga akusado babaen ti bileg ti maysa a warrant of arrest idiay probinsya ti Cagayan.
Nabigbig daytoy a ni Domingo Manuel Jr. y Dansalan, agtawen ti 35, awanan ti asawa ken residente idiay Barangay 7, San Miguel iti ili ti San Nicolas.
Ti warrant of arrest ket inparuk-at ni Hon. Judge Philip Salvador iti RTC Branch 13 ditoy ciudad ti Laoag a napetsaan ti Disyembre 3, 2015.
Daytoy ket gapo iti panagsalungasing na iti Sec 5 ken Sec 11 iti Article 2 iti Republic Act 9165 ken RA 10591.
Agdagop met ti 300 a ribo a pisos ti nairekomendar a pyansa ti nasao nga akusado.
