LAOAG CITY – Natiliw ti maysa a lalaki kalpasan a nagtakaw iti pagtaengan da ABC President Mikee Fariñas iti Brgy. 55 C Vira ditoy ciudad ti Laoag.
Nabigbig daytoy a ni Narciso Alviar, 22, baro ken residente ti Minanga Este, Cagayan
Naamoan a makatawenen nga agserserbi ni Alviar iti pagtaengan ni Fariñas.
Basar iti imbestigasyon, apaman a tumalaw iti main gate ti pagtaengan ni Fariñas ket inimpormaran na ti house boy a ni Johannes Benedict Sanchez a komprontaren na ni Alviar ken nakumpiskar kenkuana ti cellphone a touchscreen nga agbalor ti 73 ribo a pisos ken maysa a cellphone keypad nga agbalor ti 3 ribo a pisos.
Naamoan a dagiti nasao a gadgets a mapukpukaw ket kukua ni Christian Jay Domingo, 27, baro ken residente ti Brgy. 16 iti ili a Sarrat ngem stay-in iti pagtaengan ni Fariñas.
Mainaig iti daytoy, inpetteng ni Alviar a napidot na laeng dagiti gadgets iti mismo a kwarto ni Farinas.
Kunana a sipod pay laeng idi kampanya ti eleksyon a napidot na dagiti nadakamat a gadgets ket narekobre laeng dagitoy itay imununa a gundaway.
