LAOAG CITY – Pinaltogan ti maysa a lalaki ti ulo na bayat ti panaginom na ti nasanger iti Barangay Paltit iti ili ti Badoc.
Ti biktima ket agtawen ti 25, addaan ti live-in partner, tubo iti Barangay Cadumian, Rosario La Union ken agdama nga agnanaed iti Barangay Paltit, Badoc.
Segun iti Philippine National Police iti ili ti Badoc, adda ti saan a panagkinnawatan ti biktima ket ti live-in partner na gapo iti masansan a panagay-ayam ti cellphone ti lalaki.
Gapo iti daytoy, naginom ti nasanger ti biktima ken iti parbangon ket nakangeg ti live-in partner daytoy ti putok ti paltog.
Dagus a rimuar ti babai ken nakita na ti biktima a nakadasay ken agdardara ti ulo ti maseknan rason a dagus a nagpatulong kadagiti karruba da ken naitaray iti Sto. Cristobal Hospital iti ili ti Sinait.
Saan met pay a nadeterminar no anya a kalibre ti paltog ti inusar ti biktima ken agpapan ita ket agtultuloy ti imbestigasyon dagiti otoridad seknan iti nasao nga insidente.
