LAOAG CITY – Indeklarar ti liderato ti militar idiay Myanmar ti makalawas a panagladladingit kalpasan nga umaboten iti nasurok 1,700 a tattao ti natay gapu iti idadayyeg ti magnitude 7.7 a gingined iti nadakamat a pagilian.
Agtultuloy met ti rescue efforts para kadagiti 75 a construction workers a napupuk kalpasan a narpuug ti pagtrabtrabahoan da a pasdek iti kabisera ti Myanmar.
Mangnamnama dagiti opisyal nga adda pay dagiti mabirukan da survivors.
Mainaig iti daytoy, rinibo a tattao ti nagbakwit manipod kadagiti pasdek nga adda ti perdisyon na gapu iti napigsa a gingined gapu iti amakda a mairisgo laeng ti biagda no itultuloy da ti agnaed kadagitoy.
