LAOAG CITY – Temporaryo a saan a madalyasatan iti maysa a linya ti kalsada iti Sitio Banquero iti ili a Pagudpud, kalpasan nga adda iti nareggaay a daga.
Segun kenni Mr. Hendrick Pedronan, mangidadaulo ti Municipal Disaster Risk Reduction and Management Office Pagudpud, mapatta-patta a ti napasamak a landslide ket manipod kadagiti nabati a daga a saan naminpinsan a nagedday iti napalabas a landslide.
Malksid iti dayta, posible pay a ti nagtupak a dakkel iti nangiduron kadagiti bato rason a nagedday ti daga.
Kunana a saan met unay a napigsa a tudo iti mapaspasaran ken gagangay la a pigsa ti angin.
Nupay kasta, awan met iti naapektaran a balay wenno residente iti napasamak a landslide.
Dagus a nangisayangkat ti MDDRMO ken Department of Public Works and Highways iti clearing operation iti nasao a lugar.
Nakaalerto dagiti kameng ti MDDRMO iti posible a a panaggedday ti daga a kaabay iti napasamak a landslide.
