LAOAG CITY – Nagballigi dagiti otoridad a nangarestar iti maysa a mangngalap iti ili ti Bangui gapu iti kaso na nga homicide.
Ti akusado ket agtawen ti 49, awanan ti asawa, mangngalap, taga Brgy. San Manuel Norte, Agoo, La Union ngem agdama nga agnanaed iti ili ti Bangui.
Naarestar ti akusado babaen ti bileg ti alias warrant of arrest nga inparuk-at ni Hon. Rosemarie Ramos, ti Presiding Judge iti Regional Trial Court, Branch-19, Bangui, Ilocos Norte a napetsaan ti Hulyo 16, 2013 para iti kaso na nga Homicide.
Nairekomendar ti 40 a ribo a pisos a pagpiyansa ti akusado para iti temporaryo a pannakawaya-waya na.
Iti agdama, nagtalinaed paylaeng ti akusado iti Philippine National Police iti ili ti Bangui ken manamnama a maidatag daytoy iti korte a nagapwan ti alias warrant of arrest.
