LAOAG CITY – Nagballigi dagiti otoridad iti insayangkat da a search operation iti balay ti maysa a mannalon iti Brgy. Balbadez iti ili ti Badoc.
Ti subject ti operasyon ket agtawen ti 38, mannalon, naasawaan ken residente iti nadakamat a barangay.
Naiserbi ti search warrant nga inparuk-at ni HON. MARIA CORAZON LABRADOR, Executive Judge, Branch 18, First Judicial Region, Regional Trial Court, Batac City, a napetsaan ti Oktubre 14, 2025 gapu iti panaglabsing iti Republic Act 10591 wenno Comprehensive Law on Firearms and Ammunition.
Iti panagsukimat dagiti otoridad iti balay ti mannalon ket nakakumpiskar da ti 12 nga heat sealed transparent plastic sachet a naglaon ti maipagarop a shabu nga agdagsen ti sumurk-kumurng a 3.5 grams.
Malaksid iti daytoy, nakaala pay dagiti otoridad kadagiti drug paraphernalia kas ti (1) glass tube (Toother); (1) digital weighing scale; (1) small plastic box; 50 pcs small plastic sachet; one charger cord; one (1) small scissor; ( 1) cigarette box; (1) cellphone pouch; (1) piece steel magazine para iti cal .30 nga addaan ti 13 a bala; (1) piece steel magazine para iti cal .30 nga addaan ti 14 a bala; ( 6) pieces live ammunitions para iti caliber .30; ken
maysa nga holster.
Nagtalinaed ti suspek iti Criminal Investigation and Detection Group para iti dokumentasyon ken disposisyon.
