LAOAG CITY – Balligi a naarestar dagiti otoridad ti maysa a mannalon a maibilang kas Most Wanted Person iti no sadinno a naarestar daytoy iti Brgy 12 Puyupuyan iti ili ti Pasuquin gapu iti kaso a forcible abduction with rape idi tawen 1986.
Nabigbig ti akusado a ni Diomedes Caluya, agtawen ti 56, naasawaan, mannalon, ken residente iti Brgy. 11 Bulbulala iti ili Vintar.
Segun ken ni P/Maj Jonevalle Maramag, hepe ti Philippine National Police iti ili Pasuquin naarestar iti oras ti 1:00 ti malem idi Setiembre 10, 2024 babaen ti inapruk-at nga Warrant of Arrest ni Hon. Jose C Pilar, Presiding Judge/Judge of Reginal Trial Court Branch 11 ditoy siudad ti Laoag City no sadinno narekomendaran daytoy ti P30,000 a pagpiyansa para iti temporario a pannakawayawayana.
Segun kadagiti report, ti kaso ti akusado ket nagtaud idi tawen 1986 idi ubing pay daytoy gapu ta kayatna nga asawaen ti dati a nobiona.
Mainaig iti daytoy, ti reklamo a naipila kontra kenkuana ket indatag dagiti nagannak ti dati a nobia a taga siudad ti Laoag.
Iti agdama, ket nagatalinaed ti akusado iti Ilocos Norte Provincial Jail babaen ti appointment order ti kaso kontra kenkuana.
