LAOAG CITY – Natay ti maysa a lalaki kalpasan a na-hit and run ti paset iti Barangay 54-B, Camangaan ditoy ciudad iti Laoag.
Nabigbig ti biktima a ni Esmael Adayan, addaan iti umno a tawen, awanan ti asawa ken residente iti Barangay 60 ti met laeng nasao a ciudad.
Segun ti PNP Traffic Division ti ciudad iti Laoag, bayat ti panagpapa-abagatan a direksyon ni Adayan a nakalugan ti motorsiklo ket maipagarop a dinungpar ti maysa nga SUV Montero nga agmaris iti puraw ken awanan ti plate number.
Gapu ti daytoy, nagsagaba ni Adayan ti sugat iti nagduduma a paset ti bagi na ken naitaray iti Governor Roque Ablan Senior Memorial Hospital ditoy ciudad iti Laoag.
Nupay kasta, kinumpirmaran ti pannakangiwat ti PNP Traffice Division a pimmusay met laeng ti nasao a biktima.
Iti agdama, agtultuloy ti imbestigasyon dagiti otoridad seknan ti napasamak nga insidente.
