LAOAG CITY – Naarestar ti Philippine National Police iti ili ti Pasuquin ti maysa a motorista kalpasan a nagsalungasing iti Municipal Ordinance iti nadakamat nga ili.
Nabigbig ti motorista nga agtawen 30, awanan asawa ken residente iti Brgy. 4 San Francisco iti ili ti Sarrat.
Naarestar daytoy babaen iti bileg of warrant of arrest nga inparuk-at ni Hon. Myrna Shiela Nalupta, Presiding Judge of Muncipal Circuit Trial Court, First Judicial Region, ditoy siudad ti Laoag.
Mainaig iti daytoy, naglabsing ti motorista iti City Ordinance No. 2010-034 – No Helmet ken Defective Accessories ken City Ordinance No. 99-006 – No Driving Licence, no sadinno agmulta daytoy iti P1,500.00 ken P1,000.00.
Segun kenni P/Cpt Reycar Almazan ket naiget nga ipapatungpalda dagiti pagalagdan nangruna iti biang ti traffic ordinance no sadinno maikkan ti citation ticket dagiti aglabsing idinto a maikkan ti warrant of arrest order dagiti saan nga sumurot.
Kabayatanna, dagos met laeng a nawayawayaan ti motorista kalpasan a nagbayad daytoy iti multana.
