LAOAG CITY – Nagtalinaed iti Mariano Marcos Memorial Hospital and Medical Center (MMHMC) idiay ciudad ti Batac ti biktima iti napasamak a desgrasya iti paset ti Barangay 7, Caunaayan idiay ciudad ti Batac.
Nabigbig daytoy a ni Peter Carlo Pe Benito, agtawen ti 33, addaan ti live-in partner ken residente iti Barangay 2, Ablan iti nadakamat a ciudad.
Iti inisyal nga imbestigasyon, kabayatan ti panagpapa-abagatan a direksyon ti biktima a nakalugan ti motorsiklo ket kellaat nga adda ti nangbakal kenkuana ti bote.
Liniklikan ni Pe Benito ti bote ngem ditoyen a napukawan ti kontrol iti manibela a nangitunda ti pannakatulid na.
Gapu ti daytoy, nagsagaba ni Pe Benito ti sugat iti nagduduma a paset ti bagina ken naitaray a dagus daytoy iti nasao nga ospital para iti pannakaagas na.
