LAOAG CITY – Maysa a museum ti St. Louis, Missouri ti nakgun-od ti baro a world record gapu iti underwear nga inaramidda a kallugong iti ulo.
Kinumpirmaran ti records keeping organization a Guinness World Records a The City Museum ti baro a nakaiggem ti world record title a “Largest Gathering of People Wearing Underwear.”
Daytoy ket kalpasan a napagtitiponda dagiti 355 nga indibidual a nakasuot ti underwear iti ulo dagitoy.
Para iti pannakaiyuswat ti 314 Day, maysa a local holiday iti St. Louis kas panangselebrar iti 314 nga area code-da, napanunutanda nga ag-Guinness World Record breaking event.
Iti aldaw ti record breaking attempt, nangipaay ti The City Museum ti nadalos nga underwear kadagiti makipaset iti event.
Inatendaran daytoy dagiti official Guinness World Records adjudicator tapno maipaay dagus iti museum ti certificate-da.
Saan met daytoy ti umuna a daras ti St. Louis a maaddaan ti Guinness World Record, naalada datin ti titulo a “Largest Pencil,” “Longest Seesaw” ken “Largest Tennis Racket.”
