BOMBO LAOAG – Kinumpirmaran ni Mayor Joseph de Lara iti ili ti Solsona nga adda ti kritikal a nagpositibo ti covid-19 iti Brgy. Bubuos ti nasao nga ili.
Segun ken ni Mayor de Lara, ti nasao a pasyente ket agdama a naka-confine iti Mariano Marcos Memorial Hospital and Medical Center (MMMHMC) iti ciudad ti Batac.
Naamoan pay a ti nasao a pasyente ket adda ti dati a sakit na nga asthma.
Nupay kasta, mangnamnama ti mayor a malasatan ti nadakamat a pasyente ti panagpositibo na ti covid-19.
Maipalagip nga ado dagiti nagpositibo ti covid-19 a residente iti nasao a barangay kalpasan nga adda ti nagpadaya iti lugar iti kallabes.
