LAOAG CITY – Nagtalinaed iti kustudiyar ti PNP-Pasuquin ti maysa a negosyante gapo iti reklamo a Lascivious Conduct iti babaen ti Sec 5(b) iti RA 7610 ken Sexual Assault iti babaen ti Art 266-A (2) iti Revised Penal Code.
Binigbig ni Police Lt. Roi Manuel Ordonio, chief of police ti PNP-Pasuquin ti suspek a ti Jesus Mercado y Gaoiran, agtawen ti 57, addaan ti live in partner, water station manager ken residente iti Brgy 6, Dilavo iti nasao nga ili.
Ti warrant of arrest ket naiserbi idi Enero 12, 2021 kalpasan nga inpaulog daytoy ni Acting Presiding Judge Felix G. Salvador iti RTC Branch 19 daa napetsaan ti Enero 6, 2021 gapo iti nadakamat a kaso.
Basar iti pulisya iti ili ti Pasuquin, kalpasan a naawat da ti arrest warrant ket dagus da a nagturong iti pagtaengan ni Mercado ken ditoy a natiliw daytoy.
Nairekomendar ti 200 a ribo a pisos a pyansa na para iti kaso a Lascivious Conduct ken 180 a ribo a pisos para iti kaso a Sexual Assault.
Namunganay dagiti kaso kontra kenni Mercado iti maipagarop a panangkarawa na iti menor de edad a babai a karruba da ken napasamak daytoy idi laeng tawen 2020.
