LAOAG CITY – Kinumpirmaran ni Police Captain Joseph Tayaban, ti chief of police ti PNP-Badoc ti pannakatiliw ti maysa a babai gapo iti panangisyu na ti talbog a tseke idiay Barangay Garreta iti nasao nga ili.
Binigbig na ti suspek a ni Ericka Joey Redondo y Estella, maysa a nurse ken residente iti Barangay Paltit iti nasao nga ili
Segun kenni Tayaban, inserbi da ti warrant of arrest iti mismo a pagtagilakoan ni Redondo gapo iti nasao a kaso.
Inbatad ni Tayaban a basar iti palawag ni Redondo ket inpetteng na a nasolbar nan ti nasao a kaso.
Nupay kasta, kuna ni Tayaban nga alibi laeng ti suspek ti rakurak na gapo ta kaiparparuk-at laeng ti Metropolitan Trial Court idiay Pasay City ti warrant of arrest.
Naamoan nga ado ti nakautangan ti suspek iti lugar na ken iti ospital a pagtabrabahoan na.
Sumango ni Redondo ti 6 counts ti panaglabsing iti Batasang Pambansa 22 ken nairekomendar met ti 18 a ribo a pisos a pyansa na para iti temporaryo a pannakawaya-waya na.
