LAOAG CITY – Awanen ti plano nga ipangato dagiti presio ti school supplies ti maysa a paggatangan ditoy siudad ti Laoag gapu ta nadanondan ti picked price-na dagitoyen.
Segun ken ni Ms. Sharalene Villasan, Secretary ti nasao a paggatangan, fixed price wenno agtalinaed ti presio dagiti ilaklakoda a nagduduma nga school supplies iti baet iti umas-asideg a panagsubli iti pagadalan dagiti estudiante.
Inbatadna nga iti agdama ket sumagmamano pay laeng ti agturturong a gumatgatang iti puestoda.
Inlawlawagna a basar iti obserbasionda ket ad-adu ti mapmapan gumatgatang kadakuada no dandanin wenno mismo aldaw ti serrek ti klase.
Kabayatanna, naammoan ti presio dagiti sumagmamano nga school supplies kas ti notebook a dumanon iti 20 a pisos agingga iti 41 a pisos, bag ket umabot met iti 285 a pisos agingga 899, papel ket adda iti 22 a pisos agingga 41 a pisos idinto ti krayola ket dumanon met iti 25 a pisos agingga 100 a pisos depende ti klase ken ti bilangna.
