LAOAG CITY – Inparikep ti lokal a gobierno iti ili ti Pagudpud ti maysa nga spray painting business iti Barangay Ligaya iti nasao nga ili.
Daytoy ket kalpasan nga adda dagiti maapektaran iti nadakamat a negosyo gapo iti angot ti pinta nangruna kadagiti ubbing ken nataengan.
Segun kenni Mr. Pepz Morata iti Municipal Environment and Natural Office, nairekomendar dan daytoy iti Environment and Management Bureau (EMB) iti DENR ditoy probinsya.
Inbatad na a daytoy ket tapno mainspeksyon ti nasao a pasdek negosyo.
Inlawlawag na a daytoy ket posible a mangitunda daytoy ti air pollution isut gapo na a masapol a maiyakar ti lokasyon ti negosyo.
Naamoan nga inbalakad da iti agtagikua iti pasdek a no kalikagom daytoy nga ituloy ti negosyo na ket rumbeng nga agbirok ti sabali a lugar ket immanamong met daytoy.
Mainaig iti daytoy, iti pakaiyakaran ti pasdek a lugar ti pakaiyuswatan ton ti inspeksyon babaen iti EMB-DENR ken masapol nga adda ti clearance manipud iti ahensya tapno awan ti malabsing iti Clear Air Act.
