LAOAG CITY – Nauram ti maysa a pagtaengan iti Brgy. 23 ditoy siudad ti Laoag.
Segun kenni Mrs. Lanie Duculan, caretaker, nariing daytoy gapu ti awag dagiti karruba na a maur-uramen ti balay a pagnanaedan ti maysa a baket.
Kuna na a pinilit dan a linukatan ti gate ti nauram a pagtaengan ken nairwar da ti inawagan na ti “Mang Shielo”.
Iti pannakisarita ni Duculan kenni Mang Shielo ket maipagarup a nabaybay-an na ti sinidian na a kandila.
Patyen pay ni Duculan a natumba wenno asideg ti kandila iti tangke ti LPG a possible a namunganayan ti uram.
Immuna a nauram ti dirty kitchen iti ruwar ti pagtaengan ken simmaruno a nauram ti kusina iti uneg ti pagtaengan.
Inbunannag na a malaksid kenni Mang Shielo nga agnanaed ket adda pay ti maysa a baket a saanen a makapagna.
Kinumpirmaran ni Duculan a naisalakan dagiti kameng ti Bureau of Fire Protetion ti nasao a baket a nabati bayat a maur-uram ti pagtaengan.
Iti agdama, nasebsebanen ti uram babaen kadagiti nagresponde a kameng ti BFP.
Kabayatanna, inpasingked ni Fire Marshall Ronald Castillo iti pannakaimbestigar a naimbag ti napasamak anga uram.
Naamuan nga inyuna sinebseban dagiti bombero ti uram nga umasidegen iti waya ti kuryente rason a saan a nagpukaw ti kuryente.
