LAOAG CITY – Sinerrek dagiti agtatakaw ti maysa a fast food chain wenno pasdek-panganan iti Barangay 14 ditoy siudad ti Laoag.
Basar iti inisyal nga imbestigasion ti Laoag City Police Station, nasapa itay bigat ket naduktalan dagiti empleado ti pasdek-panganan a nadadael ti ridaw ti main door.
Malaksid iti daytoy, nakita pay dagiti empleado a nadadael ti vault a pangikabkabilanda kadagiti paglaklakoanda.
Gapu iti daytoy, nangiwayat ti fingerprint investigation ti Ilocos Norte Provincial Forensic Unit tapno maduktalan ti posible a naudi a simrek iti nasao a pasdek-panganan.
Iti agdama, agtultuloy ti naun-uneg nga imbestigasion dagiti otoridad.
